Um at broyta vanar, endurnýta meira og tveita minni burtur
Rudda Føroyar arbeiðir fyri einum reinum, sunnum og ruskleysum heimi. Á skránni er ein framsýning í Forhøllini, og ein røð av spennandi framløgum verður í Skálanum. Í steðginum verður møguleiki at tosa við onnur um, hvussu vit kunnu broyta vanar, endurnýta meira og tveita minni burtur.
Temakvøldið er harumframt ein upptakt til altjóða ruddingardagin tann 21. september, tá umleið 20 milliónir fólk kring allan heim fara at rudda í senn.
Temakvøldið er fyri øll, og tiltakið er á føroyskum. Óluva Zachariasen er vertur.
Atgongumerkið er íroknað ábit.
Skrá:
Í Forhøllini frá kl. 18.00
- Vælkomin, Sigrún Mohr, forkvinna í Rudda Føroyar
- Setan av kvøldinum, Ingilín Strøm, Landsstýriskvinna í umhvørvismálum
- Ábit og meldur. Njót ein góðan munnbita og vitja framsýningina í forhøllini, har hesar fyritøkur og stovnar vísa ymiskt fram: IRF, ALAVA, NÁM, Bókamiðsølan, Føroya Náttúru- og Umhvørvisfelag (FNU), Brennistøðin, Nordic Coastal Cleanup og Rudda Føroyar.
Í Skálanum frá kl. 19.00
- Hvussu kunnu vit broyta vanar? Maibritt Højgaard, sálarfrøðingur
- Hvussu kanst tú shoppa í egnum skápi? Elin Lindenskov frá Elinsa
- Okkara royndir um endurvinning, Sólfinn Hansen og Kjartan Hansen, Mekanor
- Hvussu sleppa vit undan matoyðsli? Gunnhild Dahl Niclasen, annar av rithøvundunum av bókini Matur
- Steðgur, kaffi í Skálanum
- Hvat kann ein havn gera av átøkum? Hanus Mikkelsen, havnarmeistari, Tórshavnar havn
- Vinnan og burturkast Súsanna Berg, ráðgevi, Vinnuhúsið
- Hvussu endurvinna vit? Bogi Nón, marknaðarleiðari, Vónin
- Endi, Annika Arnsteinsdóttir Nielsen, samskipari og nevndarlimur í Rudda Føroyar
- Vit fara heim kl. 21.00
Norðurlandahúsið, Hiddenfjord, Betri Stuðul og Umhvørvismálaráðið hava stuðlað tiltakinum.
