Tíðindi 2

💚 Enn ein First Lego League-søga 💚

6. og 7. flokkur í Porkeris skúla hava skrivað verkætlan um plastdálking í havinum. Tey hava funnið út av, at í minsta lagi 8 mió. tons av plasti fara í havið hvørt ár, tað svarar til, at ein lastbilur koppar eini fullari last av plasti í havið HVØNN MINUTT!

Tað halda tey - og vit - vera ræðuligt fyri djór og fuglar, sum liva av føði úr havinum.

Børnini settu seg fyri at skipa fyri ruddingarátaki í Porkeri. Allur skúlin ruddaði fjøruna í 1 tíma og savnaði 135 kilo av ruski. Flott, tit ⭐️⭐️⭐️⭐️⭐️ ... Sí meiraSí minni

💙 “Vit eru 5. flokkur í Stranda skúla, vit luttaka í First Lego League 2024 - evnið er “submerged” - um havið!
Veruleikin er, at tað er nógv plast/skrell í sjónum. Vit vilja gera tað, vit kunnu fyri at varðveita djóralívið í sjónum - og harvið eisini okkum!” 💙

Soleiðis siga røsku børnini í 5. flokki í Stranda skúla, sum hava skipað fyri so góðum ruddingarátaki seinastu vikurnar. Tey skipaðu fyri kapping, har tey bjóðaðu fólki av at rudda fjørur, áir, grannaløg, runt í bygdini, runt hús - ja, har tey vóru!

Og tey hava skrásett heili 450 kilo av ruski! 💚 fantastiskt, tit.
#strandastjørnur ... Sí meiraSí minni

🌟 4,8 TONS! 🌟

Hiddenfjord, høvuðsstuðul okkara, hevur aftur í ár verið úti og ruddað 💚

Í ár hava starvsfólkini á smoltstøðini og alarar á teimum fimm alibrúkunum á sjónum ruddað. Tilsamans 57 starvsfólk.

32 alarar tóku á leið 4,5 tons av ruski upp í nærumhvørvinum.

Rundan um smoltstøðina (framvið landsvegnum) ruddaðu 25 fólk 275 kg. av ruski. 💪

Tilsamans umleið 4,8 tons! Flott, tit 🤩 ... Sí meiraSí minni

Havnar kajakkfelag 💚🙌🏼 ... Sí meiraSí minni

Børnini í Dagstovninum Brosinum ruddaðu Hvalba 💚

“Veðrið var av tí allarbesta, og ruddað var ymsastaðni í bygdini, frá Brosinum niðan til skúlan, á Heyggi, út gjøgnum bygdina, oman til træbrúnna, á Skørinum og á sandinum.”

- Hvalbiar kommuna ... Sí meiraSí minni

Myndir frá røskum fólki í Suðuroynni 🌿

“Okur hava verið og ruddað úti í Tjaldavík. Fyltu upp í 2 sekkir, so nógv, sum okur nú orkaðu at bera niðan á vegin. So er tað ikki eftir. Hevur tú ruddað?”

Takk fyri, Turið Vestergaard Í Dali 💚 ... Sí meiraSí minni

Gott tiltak, Hugla ☺️💚 ... Sí meiraSí minni

🗑️ Einans tvey tons ruddað í ár! 🗑️

Føroyar vóru aftur í ár partur av stóra altjóða tiltakinum World Cleanup Day. Árligi ruddingardagurin var leygardagin 21. september, og higartil eru um 2 tons av burturkasti tald upp. Á leið 500 fólk ruddaðu sjálvan ruddingardagin og dagarnar rundanum.

Málið hjá okkum í Rudda Føroyar hevur, síðani stovnanina av felagsskapinum, verið at fáa 5% av Føroya fólki út at rudda, men framvegis er eitt petti á mál 💚 undanfarin ár hava tó verið fleiri ferðir so nógv fólk við á ruddingardegnum sum í ár, og okkurt árið eru 30 tons av burturkasti ruddað.

Í ár vóru ruddingar í hesum støðum:
Hvalba, Trongisvágur, Tvøroyri, Øravík,
Klaksvík, Fuglafjørður, Eiði, Hoyvík, Tórshavn, Gamlarætt, Havnadalur.

Summar ruddingar vóru samskipaðar av okkum, og aðrar tóku fyritøkur og einstaklingar sjálv stig til 💚

Høvuðssamskipari okkara er Annika Arnsteinsdóttir Nielsen, sum hevur staðið fyri at samskipa og samskifta við mongu partarnar, sum hjálpa til at gera ruddingardagin til veruleika.

Vit takka kommununum fyri gott samstarv og fyri at burturbeina ruskið og IRF og Kommunalu brennistøðini fyri at taka ímóti. Eisini takka vit øllum einstaklingum, skúlum, dagstovnum, feløgum, fyritøkum og øðrum stovnum, ið hava ruddað og/ella stuðlað á ymiskan hátt. ☺️

Somuleiðis vilja vit takka stuðlum okkara. Stuðlar í 2024 eru:

- Hiddenfjord, sum er okkara høvuðsstuðul aftur í ár. Umframt fíggjarligan stuðul rudda starvsfólkini í Hiddenfjord á hvørjum ári 💚
- Betri
- Sjógæti
- MBM
- Tórshavnar kommuna
- Umhvørvismálaráðið
- Nomatek
- Visit Faroe Islands
- Selmar Nielsen Arkitektar
- Høgra
- Christian í Grótinum
- Hotel Hafnia
- Framherji
- Varðin
- Skansi Offshore
- Sev
- Articon
- Tryggingarfelagið Lív
- Elektron
- Faroe Ship
- Føroya Banki

Við vón um vælvild og góða luttøku í 2025.

Blíðar heilsanir
Nevndin ... Sí meiraSí minni